ياهيه ماهي لك على ماتمنا

لـ عاطف الدرعان الخالدي، ، في المدح والافتخار، آخر تحديث

ياهيه ماهي لك على ماتمنا - عاطف الدرعان الخالدي

يا هيه ما هي لك على ما تمنا
ياللي تعذرب وانت اصلاً ولا شين

لو كان ما صرحّت حنا فهمنا
ما يلزم التصريح عند الفطينين

ان كانها بالمجد حنا حكمنا
من قبل حكم اللي لهم حكم هالحين

البرتغالي يوم جاكم هجمنا
حتى طلع من شرقها حاسر العين

اسطولنا يشهد لنا ما انقصمنا
وانتم ولا تدرون خلف البعارين

وان كانها بالطيب محدن هزمنا
يوم الردي ايبيع طيبه بقرشين

وان كانها بالمرجله شف سهمنا
غالي ولا يرخص سوات الوضيعين

وان كان بالخوه ترانا حشمنا
خوينا بالقلب وسط الشرايين

وان كانها بالسيف هذا عشمنا
وأهل الردا تدفع ضرايب ملايين

شجعان بأسباب الشجاعه سلمنا
والغير بأسباب المخافه سليمين

خوالد ٍ بالمعمعه لأحتزمنا
ما نكتفي إلا بقطع الوريدين

يكفيك بالميدان طولت نسمنا
يوم ٍ تضيق الناس وسط الميادين

ياما من قصور ٍ طويله هدمنا
انشد اهلها كان فيهم صريحين

مهما يدور الوقت نخطم زمنا
كل الخوالد بالمهابه سلاطين

وش انت ياللي بالردا تتهمنا
رضيعنا مزبان بالعسر واللين

كم بار من معروف بس ما ندمنا
نعطي كذا ماهو لقولت كريمين

ما جيت اعلم هالبشر عن كرمنا
الفاهم أدرى والجهل للغشيمين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر