نرخص دمانا - عطالله الكويكبي

نرخص دمانا واللحم والشرايين
ونسكن قبور بدون أبٍ وميّا

لاجل الولي رب الضعوف المساكين
اللي جميع الخلق لاجله حنيّا

ومثل ماقلت الناس ياصاح لاهين
مافرقت مابين نضجٍ ونيّا

تتبع دروب المال وايض الوراعين
اللي تصيب اصحابها بالعميّا

طافت سنين الادمي عام الالفين
وحنا نهيم ولاحملنا الكفيّا

والآدمي مخيّر على مطلب الدين
والدين فرّق بين رشدٍ وغيّا

من يطلب الجنّة وراها البساتين
يصبر على دروبٍ طوتها الشكيّا

الله يعين العين والناس غافين
تبي تنام ولكن الجفن عيّا

والصحبه اللي زادها ناس حيين
تدوم لو شان الزمان وتليّا

رفقة شرف فيها حرار وشياهين
مافيهم اللي ينقلون الحكيّا

والرفقة اللي تقسم الدين نصفين!
تبقۍ على درب الحقايق جفيّا

الله يديم الدين بقلوبنا سنين
حتى تروح ارواحنا للنهيّا

نطلب عفو رب الملا والملايين
يعطي كثير ومابخل بالعطيّا

© 2024 - موقع الشعر