الطير في وكره والبوم فالعش

الطير في وكره والبوم فالعش.
واعزتي للي يحتمي له بعشه.

الأرض ماتزهر الا لصابها رش
رش الخفوق كانك تقوى ترشه

لجاتك الزله من أبن عمك مش
خذ جادة حكيه والباقي مشه

صديت عنهم قلت ماودي أبلش
ومافادت صدتي هذي والله بلشه

البعض مواري رجل وغاديٍ هش
لا تكدر خاطرك بس لوح وهشه

بعض المخاليق يبغالهم محش
كل من زل بهرجه لسانه نحشه.

من عقب ماجنبت اسمعلهم وش.
ولاني من الي تهزني أيات وشه

هذاك نمامٍ والاخر يحكي ويطش.
كلام يعيب قايله مع حلفن يطشه

ياعيد شمر ارفع الثوب هنحش.
كثرت نمايمهم النحشه النحشه

هذا يقطع لحمك والثاني يعرش
الموت إليا قلطنا معاهم نعرشه