يا صاحبي حياك مليون تنقال
في وجه مثلك يا مرد الطليبه
يا صاحبي اشرب من الكيف فنجال
في مجلسٍ كل العرب تلتقي به
يا صاحبي بنشدك عشرين سؤال
وابغى جوابك كان تقدر تجيبه
بانشدك ليش العرب تشكي الحال
؟ليش الهدف بالناس محدٍ يصيبه؟
ليش المدامع تحرق خدود الاطفال؟
ليش البرود وحال الامه صعيبه؟
يا صاحبي ليش البشر تعشق القال
ليش الكذب بالناس محدٍ يعيبه؟
ليش الفقر زايد على مر الاجيال
؟ليش السكوت وعين عقلك قريبه؟
يا صاحبي ليش الكرم يشرح البال
؟ليش الرجال عن الرجال تحكي به؟
ليش الشجاعه يا عرب مضرب امثال
؟ليش المروه ف. الرجال العريبه؟
يا صاحبي وشهوله الناس تختال
؟ليش الكبر والظلم واكل الغصيبه؟
ليش البخل بالناس باقي وما زال
؟ليس الحسد والفجر واكل المريبه؟
يا صاحبي وشهوله نفرح انذال
؟يمناي في يمناك ولا غريبه؟
ليش البشر من البشر تكره وصال
؟ليش السؤال اليوم ضايع خطيبه؟
يا صاحبي اسمع كلامي والاقوال
وافهم مرامي افهمه واعتني به
ما كل من ربا الشنب صار رجال
وما كل ما تبغى يدينك تجيبه
وما كل ما ينزل من الفوق همال
وما كل مرضانٍ يلاقي طيبه
يا صاحبي احفظ وخيات الانفال
واحفظ كلام الصادق الي يحكي به
وصلاة ربي يوم تنذاع الاعمال
على حبيب الامه الله يثيبه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.