الجاذبيه

لـ رائد العالي، ، في غير مُحدد، 568

الجاذبيه - رائد العالي

يانيوتن سر كل الجاذبيه خلي
خل قوة جذب الارض وقصة التفاحه

كل ماسلهم بنظراته جذبني كلي
لين صار القلب بيتٍ في يده مفتاحه

بسمته تجبرني اني من حلاه احلي
وان سلمت من ابتسامه ماسلمت رماحه

ويش اوّصف من جمال الزين ويش اخلي
كل ماناظرت احصّل حاجةٍ ذباحه

وان سألته .. يافريد الوصف تكفى قلي
وش تركت من الجمال اللي لبست وشاحه

ابتسم والورد فاح بوجنة الخد اللي
كن صبح النور منه آخذ ضيا مصباحه

ثم قال الخافي اعظم وانت لو تقبل لي
البحر يلقى الكنوز الغاليه سباحه

لاحكا كن السحابه وبلها ينهلّي
ومن كلامه كن قلبي يلعب المرجاحه

كل مافيني يرحب به غلا ويهلي
لو ابا اخبّي شعوري نظرتي فضّاحه

قربه يبرد على قلبي ويشفي غلي
استريح الراحه اللي حيها من راحه

الوصل يامرحبا به والفراق يولي
يالله اجعل قلبي بوصله تدوم افراحه

© 2024 - موقع الشعر