جن إجنوني

لـ عبدالله ناجي عزام الحارثي، ، في غير مُحدد، آخر تحديث

جن إجنوني - عبدالله ناجي عزام الحارثي

جنب زينك كل زينه ما تساوي زينك
كل زينه بعد زينك ما تشوف عيوني

الخدود الشمس فيها والقمر بجبينك
انت ياعمري وروحي انت دنيا كوني

لا تصدقهم حبيبي بس هات يمينك
وان حكو لك في غيابي شي يقصر دوني

انت وحدك في حياتي لا تسمع وينك
انت لو تزعل دقايق بس جن إجنوني

من سعى بيني حبيبي بالكلام وبينك
لا تعلمهم حياتي كيف عزف الحوني

لو كلام الناس طوُل عمر حاد سنينك
ولو ينقَّص يوم واحد كان ما حنوني

دام والواشين ما سكتوا بشوفة عينك
عاد ويش الي يسكتَّهم ليا سمعوني

قل لمن يطرح يدينه يالغلا بيدينك
مبطي الواشين مبطي ايه ما ضروني

لو كلام الناس يتَّوقف ! عليك وطينك
بس مثل الي يجونك بالكلام يجوني

غير انا سديت اذاني وانت سد اذنينك
لا توحَّى للعواذل كان هم يوحوني

© 2024 - موقع الشعر