في مثل هذا اليوم ..

في مثل هذا اليوم يا حلو هاليوم
يومن حكمنا به على البعُد إعدام..

وقرة عيون اللي من القرب محروم
و تحقق اللي نحسبه بس أحلام..

وقامت مشاعرنا تصحصح من النوم
وكم هي وهي من جاير البعد نيام..

ومن يومها والشوق زايد بي الحوم
ما كنني قربك (قبل سبعة أيام).!

و أنشهد ان مشاهدك كان محتوم
مفروض ما نتصاعبه عدت أعوام..

شوفي تصاعبنا ملا صدري هموم
وشوفي بقايا عاشقك جلد وعظام..

وحنى مشينا درب عادات وسلوم
لين إنكتبنا للأحاسيس ظلّام..

لكن على ما فات ما نكثر اللوم
و يبي لنا تخطيط للوقت قدام..

هاتي يمينك وأوعديني على الدوم
إنّا ندوّر للقى زووود إكرام..

لني بشوفك دامني كنت محروم
ولني بشوفك لو ورا شوفك إعدام..