ماهو بخائن

أقفى بعد عهدٍ نطق به لسانه
ليته قبل مقفاه علّم بالاسرار

غيّر شعوره وأختلف عن مكانه
مدري جفا والا يعاند بالاصرار

ماهو بخائن والكفاله ضمانه
ساسه عريب الجد من نسل الاخيار

لكن صده ماعرفنا بيانه
أقفى ونا أجهل من مقفاه ماصار

كل الصفات الكامله والرزانه
شهاد للي سيرته فوح الازهار

ماذم منهو رافع الله شأنه
بين العباد اللي تشيد به الاذكار

هذا واقول الخير باقي زمانه
بقلوب تؤمن بالذي فوق جبار

والخافي اللي له من القلب خانه
لابد له ظرفٍ يعود بالاعذار

الملتاعة