شتات غيوم

الناس في ذا الزمن لامن سلوا مدّو
واختاروا امن الدروب الهجر والصّدّه
راحوا على فالهم راحوا ولا ردّو
ياحاسب الوقت وش لك فيه واتعدّه
شوف المنازل خلت واصحابها شدّو
ناسٍ على كيفها واقوام منْحدّه
أطلال تبكي عليها اعيون لا لدّو
لرسومها اللي بجوف الصدر ممتدّه
يادمعة الشوق لاتطيحين لا صدو
من لايجيبه غلاك الدمع ماردّه
كم مرةٍ في جفاك اسيوفهم حدّو
وانتي على نيتك والناس مشتدّه
جربتهم في نهار الضيق ماسدّو
غلطان من لاجمع يومه على غدّه
يارحلة العمر وسنين العمر عدّو
ماباقي الا شتات اغيوم منْعَدّه
القاع تشكي ضما واهل الوبر شدّوا
يمكن يعود الوسم والّا بلا ردّه
عبدالرحمن الناهي