من عرفت العلم

من عرفت العلم والغي والقلب الخضر
ما بعد زعزع كياني ولا هزه مره

غير بنتٍ وردتني على الموت الحمر
خلت القلب المعنى تقل فيه أدهره

من سببها مستميت ومنها في خطر
لطرت لي جا لصدري من الضيق أزفرة

آه يا قلبٍ تمنى ولكن ما قدر
ما قدر ياصل مراده ولا جاب أخبره

ما تحقق حلمه وراحت أماله هدر
ما صفى من ألف حلمة ولا ربع أعشرة

ما هوب من ضعف باسه فلكن القدر
العوامل ما تساعده والوقت أجبره

لين رده ردة قريش في غزوة بدر
وأستراسه وأخذ منه الغنيمة وأكسره

الله أنه لا يسامحك يالوقت الغبر
كيف تستكثر مقيلي تحت ظل أشجره