حفل - زواج ناصح وعبداللطيف

ابدا بذكر الكريم الواحد المعتلي
وازكا صلاتي على رسولنا المرسلي

من هاجساً بالعلوم الطيبة ممتلي
( أنظم بيوت القصيدة واحكم اوزانها)

في ليل زادت به الافراح ماله وصيف
ويالله عسى الخير والتوفيق دايم حليف

وافراحنا في حفل ناصح وعبداللطيف
(والتهنئة باسمهم مكتوب عنوانها)

في ليلة طيبة جينا نبارك لكم
جينا نشاركم الفرحة ونفخر بكم

والتهنئة من جموع حاضرة لاجلكم
(	فيكم بيوت القصيد نغني الحانها)

يامرحبا ياهلا ترحيب بالحاضرين
ترحيبة باسم ابو عادل طويل اليمين

عند الرجال الكرام اهل الوفا الطيبين
(العزوة الي تقوم بحق ضيفانها)

محلكم طول وقته عامر عامراً بالرجال
فيه التحية هلا والضيف يلقا الكمال

يالشجرة الي تمايل بالثمر والضلال
(يالي على العز دايم تثمر اغصانها)

حي النشاما هل الفزعات واهل العطا
واهل الكرم والحمية والظفر والسطا

والصدق من طبعكم ما تقبلون الخطا
(يالقمة المستتمه فوق سيسانها)

وعلومكم غانمة دايم بكم نفتخر
كم ناس قالو لكم جعلكم الله ذخر

قدام يوم أن ولد اللاش يرجع وخر
(فيكم ما تكفي قصايدنا وديوانها)

فيكم سعة بال واستبسال من جدكم
لاشك طول الليالي راهياً عدكم

ومن فوق كل الايادي وافياً مدكم
(تشرون بالغالية لو زادت اثمانها)

وختامها بيض الله وجه خالي جبر
راع المعاريف والحكمة وصدق الخبر

الله عطاه الكرم والله عطاه الصبر
_مجالسة فاتحة ماصك بيبانها)

وندعي لأبو صالح الي راح وسط الحد
يالله تجازية بالرحمة ياواحد احد

نذكررجال الوفا من غير قاصر فأحد
(بالكيل مانخلف الكفة وميزانها)

وياربعنا كلكم لعلكم للبقاء
ويالله عسانا لنا بالخير موعد لقا

في ظل شيخاً على العليا بعزمه رقا
(حنا قبيلة عريقة معتلي شانها)

هذه القصيدة في زواج عبد اللطيف دريبيس العلياني
وناصح جبر العلياني