ذوب العسل

لـ أحمد الظفيري، ، في الغزل والوصف، آخر تحديث

ذوب العسل - أحمد الظفيري

يا زين ياللي منزلك داخل محل
محدن سوى قلبك يجيه و يوصله

كل ما رقى نجمن سرى بليل و رحل
نجمك جدي دايم بريقه بوصله

يالجاذبي حبك يبو ذوب العسل
انت العسل صافي وغيرك حنظله

ياللي شربتك طيب واحساسه وصل
لاخر خفوقي من سرى لين اوله

هَز الصدر في ضمتك يا خي وعمل
شيطان شوقن في ضلوعي واشعله

هزة غرامن هزها شوق وثمل
تروي ظما عاشق غرامن ساجله

لحظه تهيم ابها القلوب اليا حصل
لقيا الولايف في حنينن تعْجله

واول دقايق بوسها شاش وحفل
بين الشفايف والمشاعر تثمَله

واحلا حروف الشعر غنت ما بذل
تغليه وفقلبي شعوري غازله

واللي عرف بك غير ياللي بك جهل
نورك حجب نور القمر لين انزله

والحمد لله عشقي فيها ما انخذل
زرعت سروري واعتنت في مكحله

© 2024 - موقع الشعر