كابوس

هزني شوق المعاني .. ماعلي من الملامه
لهف نفسي .. للقوافي .. لهف خيٍ جاه خيه

إن نسى ياقف بوجهه .. قال : عز الله مقامه
وإن وقفله .. حب راسه .. احترام ومقدريه

ماقصدت يقال .. شاعر .. ويتفنن .. في كلامه
موهبه من فضل ربي .. ساقها الرحمن ليه

ماتفاخر بالقصيد .. ومدّعي .. فيه الزعامه
مير جيت من الأخير الياالصفوف الأوليه

لي هيامي .. في الخيال .. وكل شاعر .. له هيامه
والشعر مابه كبير .. ولاصغير .. ولااقدميه

من بكم يحضر قصيده .. ياجماعه .. في منامه
ماتحدى .. مير والله يانها صارت عليه

زارني شيخ .. بمنامي .. ( محرم ) ولابس عمامه
دق صدري .. في ( عصاه ) وقال : جايبلك هديه

قلت : وشي ؟؟ قال : هذي !! قلت : وشي ؟؟ قال : خامه
فلها واكتب عليها .. قلت : مافيهاأذيه

قال : أبدا لا تخاف .. وقلتله : مع السلامه
وقبل يمشي .. هز كتفي ... قال : عندي لك وصيه

اكتب اللي انت شفته .. ماعليك من الملامه
راح تطلعلك .. قصيده .. تستحق الأفضليه

وصد وجهه .. راح يمشي .. وقمت افكر في كلامه
كيف اخلي هالقصيده .. في منامي واقعيه

يوم فليت القماشه .. فرفحت .. منها .. حمامه
وقمت اصفق من منامي للحلوم الشاعريه