أضحك ؟؟!! - محمد آل وافي

أضحك ؟! وانا مابين جارح ومجروح
و اكذب على نفسٍ شقاها فطرها

أضحك ؟! وحلمي بين سفهان مفضوح
والوجه شاحب و السنين أحتقرها

أضحك ؟! على خيبه امل صار مطروح
ابسط عذاريب الخلايق قهرها

أضحك ؟! وجاري يعتلي بيته صروح
من زود خوفه لا اقترب من خدرها

أضحك ؟! واشوف البنت في عرسها تنوح
على حبيبٍ عاشته في سهرها

أضحك ؟! واطفال العرب تعشق البوح
و أعراض امتنا تهاوت غررها

أضحك ؟! وصبري لا تقارنه في نوح
الله حفظ نفسه قبل يختبرها

أضحك متى ما كانت الرايه تلوح
في جالها طيب النوايا غمرها

ايه ابتسم واخفي من الهم وأشوح
عن كسرة الخاطر واجبر كسرها

ابشر بكِّن الضيم وفلان مسموح
لكن ترى وجهي يبين كدرها

أحاول انسى لكن الجرح بوضوح
غير تعاليم السلامه خبرها

صحيح دنيانا مثل ما تجي تروح
لكن دناءه مجتمعنا حقرها

مشكور يا غالي على نهضة الروح
ابدعت و ألبست القوافي دررها

يمكن ضروفي غيبة منطق البوح
وإلا انت وافي وفكرتك باعتبرها

© 2023 - موقع الشعر