ضمة العشق

يافتنة الروح / ضميني / مثل ما تبي
دام ان في ضمة عيونك دواء للجروح

ودام ان بعيونك النجلاء خيالي ربي
بقول يكفي تعب ومعاك يكفي نزوح

يكفي ان طرفك جمالة يعربي يعربي
وش غيره احتاج دام اني لجفنك اروح

ابسكن النون / واتوسط جفون الظبي
وابني مداين من الأشواق روح لروح

حتى / ولو كان بعيونك دمار ن آبي
يمكن ليا ما سكنته فيه تبنى صروح

واصير حارسه حتى اسبيه شوفك سبي
ويصير لي ما نويتي ترسلينه / يشوح

وامد لك في خفوقي موقع ن / مرحبي
واغدي لك النوت احفظ ماعيونك تبوح

عساني اشتاق همسك حين يدبي دبي
ويفوح عطر اللقاء وتفيق روح تفوح

ونسير في غيهب العشاق لي مر بي
واكون لك في مدارات المحبة جنوح

تدري / ليا كل ما شفتك / هنا تقربي
اسج في عالمك وارجع وكلي طموح

ياضمة العشق / ضميني مثل ما تبي
كوني لي الشوق ياموطن لقلب سموح

شعر/ احمد المنتشري
بتارخ21/8/1435ه