حُرّة جبينا !!

لـ منوهـ، ، في غير مُحدد

حُرّة جبينا !! - منوهـ

ذكريات العمر تبقى مابقينا
و ان رحلنا خلفنا يبقى الأثر

شاهد إلنا ف الحياه آللي حيينا
قد رحلنا و انتهى فينا العمر

حدنا عمرن بدينا ينتهينا
ولا بقى له فالحياه أدنى خبر

لو حكينا لو ضحكنا لو بكينا
هل يزيد العمر ساعه يا بشر ؟

يا مقادير الشقى لا تبتلينا
و الولي الله ما غيره ذخر

الدناه اللي بها الدنيا تدينا
سنة الله في المخاليق العبر

لا تعيش اللي بقى منها حزينا
و لا تكف أقدام رجلينك حذر

ارتقي فوق الشداد اللي سمينا
و اذخر خيار النشاما للسفر

و ان لفاك الناقص اللي مستهينا
اطمر علومك و سط صدرك طمر

ما يغرك لا ضحكلك يستبينا
كان عندك لب في عينك نظر

آه من جور الليالي و السنينا
كان حدتني على الدرب الوعر

الحياه ادروس ما منها اكتفينا
علمتني بالعصا غصب و جبر

شلت همي في يدي بلا معينا
و انتشيت امن الغبينه والقهر

ما نخون مودنا اللي يحتمينا
و لا نعادي ثم نطعن فالظهر

ما قطعنا بالرجاء في مرتجينا
من رجانا والله انا له ذخر

ما خذينا قد ما حنا عطينا
و لا بغينا من ورى هذا شكر

ما نبيع اللي بماله مشترينا
و لا نفرط ف القريب المعتبر

من روات العز حنا قد روينا
و امتلينا بالمعزه و الفخر

من كنزها راس مال بلا يقينا
يجحد اللي في يقينه مستقر

لو علت بالعز تبغى تستهينا
المكذب ينشد لحود القبر

دايم المخلوق في فعله رهينا
من فعل يمناه يغشاه الكدر

انتخي عذب الكلام المستبينا
و ارسم حدود الجواب ابلا هذر

الحياه إصرار و المبدأ علينا
لين ما يومن ربيبي اهل الكفر

عشت عمري بالرضى حرْة جبينا
ادمح الزلات و اغض البصر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر