ياحر كبدي حرة فوق مله - عبدالرحمن الجربوع

يا حر كبدي حرةٍ فوق ملّه
على القميري من على سدة عشر

عشرٍ عددها واربعٍ رافدٍ لّه
يوالله القسمه وهالحظ الاقشر

مرماه كايف والعمد باينٍ لّه
يارجال شوفوا نظرةٍ حيل تقهر

احمل طلَق والبندقه في محلّه
تحت السواقف في جرابٍ مزهّر

وش حيلتي يارجال من هو يحلّه
ترى المغثّه من عواجيب منظر

هذي تذكرنا بعامٍ نجلًه
في اربع الميّه واللف المعطر

يوم القميري جولِ جمعن نغلّه
في ساعة صيدك يكفّيك وأكثر

© 2024 - موقع الشعر