مزن نشا به ريبة وارتهابه
من ريبته كل الخلايق مريبين
مخايل شرب الحمر من سحابه
كم من الصافي على مشرع زين
البرق يبرق والرعد له ضبابه
هلّت على ابن حميد هو والشيابين
حقّت ولابقّت جداه إنصبابه
على مغاتير الشيوخ القديمين
ما قلتها بك يابن فيصل سبابه
حسن تدبير الولي بيه راضين
يوم انها ذري ٍهبوبه ذرى به
و انتم لكم كل القبايل مطيعين
و يوم انها سكن هبوبه و عابه
الله حريب و مهزلٍ يا مساكين
سبحان رافع بابة ٍ فوق بابه
و هكع عقب للي بالأدراج عالين
نجد من المولى قضبنا نصابه
لمحمد ٍ و حمود ما به تظانين
محمد بضرب السيف ما ينهقى به
عليه ابا زيد يلحّن تلاحين
محمد بنى صيوانكم و أرتكى به
مثل الفهد صكّت عليه الغلامين
صكوا بضاري الهيش حام القرابه
لبّاسة الجوخ الحمر و التوامين
و بيضٍ شكن حر اللهب سد بابه
يلعب بها الشطرنج بوسط الدواوين
من مال شيخ ما يدور البقا به
حطّاط غالي الزاد فوق المواعين
له هدة ٍ خيل المعادي عثى به
تلقى به الطوعات مثل الحراذين
تقدمت غلبا سواة الذيابه
شمر هل العادات ما هم ذليلين
لا البرذويل ولا بجيل الصحابه
و لا البرذويل ولا بجيل المتلِّين
و لا اللي بنى بيت الشعر بي طنابه
و لا اللي بنى بيت المعزّه هل الطين
الضاري الضرغام و إن عض نابه
مدمي المخالب من فنادِ المعادين
و أخوه ابو ماجد على كل بابه
قوّك يا شيخ الصخى منقع اللين
بجاه الولي و محمد و الصحابه
و اهل الكهف و اللي بالألحاد غافين
و بجاه من له طلبة ٍ مستجابه
ربي هو العلاّم عدل الموازين
في ستة ايام حصاها حسابه
متكوّن و أمره على الكاف ما عين
و من مطلع البيضاء لغربي مغابه
تغاب و لا تطلع على مثلكم شين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.