اهداء لـ"سهوم المنايا" البقوم

لـ بدر ال راكه اليامي، ، في غير مُحدد، آخر تحديث

اهداء لـ"سهوم المنايا" البقوم - بدر ال راكه اليامي

ذوﻻ سهوم المنايا جاتك مغيره ..
من ضربهم تعلن العالم نهايتها ..
 
صغيرهم في زمانه طيب السيره ..
وارث علوم المراجل من بدايتها ..
 
و كبيرهم ﻻ دعى جاتك طوابيره ..
تطوي بعيد المناحي رهن اشارتها..
 
في سلمها تنعرف بالطيب والجيره ..
وفي حربها ترتفع بالنصر رايتها ..
 
الفكر يعجز وﻻ كمل تعابيره..
من طيبها من كرمها من طناختها..
 
ذكر المطاليق حايم فوقنا طيره..
من مرجلتها ومن صادق شجاعتها..
 
الفعل معروف في التاريخ تبريره..
و الشاهد الله على الي فات فايتها..
 
غزو تربه من جيوش الترك ماغيره..
كسرت مجاديف روس الترك وافنتها..
 
فيها الوفا طبع ماهي ترتضى غيره..
و فيها التكاتف طبيعه من بداوتها ..
 
و الخوة الصادقه تكرم من الحيره..
و العرف و المعرفه من قو عادتها ..
 
و الفزعه الوافيه (( لله تكبيره))..
متميزة في المواقف من شهامتها..
 
وديرة سهوم المنايا ماهي بديره..
الا جزيره على التوحيد هامتها..
© 2022 - موقع الشعر