اسرار حبك

ياهيه قلي وش بقى بالعمر لامن غبت يوم
النفس ماتدري وش اللي بالغياب يصيبها

شفني وانا احبك صبرت على الشقى وكثر الهموم
واسرار حبك بالحشى محدا ترى يدريبها

لو طاح حظك بالزمن لا تيئس انه مايقوم
بعض الفرص لو ماتجي ربك تراه يجيبها

هذا الزمن ياصاحبي كم فرق الاحباب دوم
يفداك عمري والسنين بدونكم وش لي بها

غيبتك طالت يالغضي مدري متى حظي يقوم
عشرين عام قد مضت وانا انتظر ارجي بها

ماعاد يهنا لي رقاد ولاهتني والله بنوم
دام العيون من السهر كثر السهر يسري بها

الحزن يذبح صاحبه والحظ ترديه العزوم
والحب يقتله الجفاء كيف السنين تغيبها

ترى الخطاء مايدمحه عند العرب حب الخشوم
وحذر من دروب الخطر ياصاحبي تمشي بها

ان كان باقي بيننا ياصاحبي بالحب لوم
الله يلوم اللي يلومك والظروف ادري بها

كنت احسبك تاقف معي لاحتجت لك وقت اللزوم
لا دقت اظروف الزمن صاحبك والا بلي بها