قالوا حزينه قلت فعلا حزينه
قالوا وش اللي محزن اعيون غالي
قلت الحنان بملتقى الصدر وينه
يا عزتي للي مثل حال حالي
اشقيت تفكير العمر مع سنينه
بحثت لكنه تعذر محالي
حتى تفاقدت الامل مع حنينه
وقفلت بابن يفتتح به مجالي
مليت تجوال الشقا والغبينه
وغضيت طرفي مع كثير الجدالي
نسيت نفسي مع همومن رزينه
سطت عليه سطو قوم احتلالي
مثل الاسير اللي برق دمع عينه
في موطنن مافيه عمن وخالي
مكتوب عذابه واضحن في جبينه
ياقو صبره ف احتمال الليالي
مايملك القوه وﻻهي بدينه
امفوضن امره على رب عالي
هذا جوابي عن حياتن حزينه
افتيت منهو خصني بالسؤالي
شعر/ الملتاعة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.