على رغم مقرود الزمان الردي غنّيت
 طواريق علّه ما هي طروق طرباني
 كذا يا زمن سوّيت مدري ورى سوّيت
 تحدّ الخفوق اللي جحد مجمل أحزاني
 ولا لي يا كود الصبر واليا طغت ونّيت
 ونين المريض اللي شكى حيلة الواني
 كرهت البلد والناس ومجلاس وسط البيت
 أجوب الدروب المرمسه عتق وحداني
 لعلّ وعسى الذكرى تخفّف بما حسّيت
 سرايا الهجوس اللي من الهمّ تبلاني
 تقول العرب هذا غدى فيه كيت وكيت
 ولا تدري ببلوى الزمن يوم تدهاني
 وأنا ما ألتفت للعذال أن رحت والاّ جيت
 ولا أرضخ لوقتي لو بغى قصّ جنحاني
 عطاني الولي من فضله أزكى النبا والصيت
 ولا أحدٍ سلم من هرج عاذل وعدواني
 ولكن على عهدك وأصونه ولوني ميت
 قديم العهد ما بدّله مرّ الأزماني
 ولا أخلفت ظنّك في حياتي ولا ملّيت
 ولا أرخصت قدرك والبلاوي تحدّاني
 حفظتك بقلبي غاليٍ فوق من هو أغليت
 وصورتك ما يومٍ تباعد عن أعياني
 وعلى رغم مقرود الزمن وافي وما صخيت
 ولا أهوجس بغيرك إذا ربّي أحياني
 وعلى رغم مقرود الزمان الردي غنّيت
 طواريق علّة ذكرياتك بوجداني

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر