يافاطري ربي من الباس ينجيك - خالد صالح بن ملافخ الدلبحي

يافاطري ربي من الباس ينجيك
ولياتلفتي ماورا الله غبينه

حقك علي اني لشيلك واوديك
والحوش من عقب التعب تسكنينه

لانيب لابيعك ولانيب مهديك
ياهل النضربعض البضايع ثمينه

يازين وان صاح الموده يباريك
والعدشدوللمنادي قطينه

من الرقاش لياالينوفي مناهيك
ودرب الوسوم ليانبت ترتعينه

ياكثرماسقناك والبوش يتليك
والفاوقدامك تباتقطعينه

هذي مناويناوهذي مناويك
وراع الطحين مهاجر ٍمع طحينه

واليوم قصّربك زمانك وشانيك
لونوقف المضهورماتلحقينه

من واحد ٍشبكه تلولس باياديك
وخرّب عليك المرتع اللي تبينه

صيحي لمشعل (1) لين بالصوت يوحيك
وسلطان (2) عن هجرالنياتزبنينه

يبايفكونك ان طاب الرجافيك
ودربك بتيسيرالولي فاتحينه

من غيرهم يقدريفكك ويحميك
انص الثنين وغيرهم لاتجينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر