بالمال تجار(ن)وبالحكم شيخان

لـ خليف الوهيداني، ، في غير مُحدد، آخر تحديث

بالمال تجار(ن)وبالحكم شيخان - خليف الوهيداني

سعود بن عابد سلايل اكحيلان
ماهو بحاجت عرف والا شهاده

بالمملكة كل(ن)يعرفدربالايمان
شيخ(ن)شهر بالمرجله في بلاده

شيخ(ن)ولد شيخ(ن)له المجد عنوان
فيه المراجل طبع والطيب عاده

رقى بعال المرجله طير حوران
من فعل كفه والصبر وجتهاده

حتى رسى بالطيب كاضلع رمان
ويقدح على عز ونزاهه ازناده

ذكره بفعل الطيب وبفعل الاحسان
وفعل المراجل فيه يصعب عداده

وبالعلم له ديوان والطيب ديوان
العلم شفه والمراجل مراده

وحتى المثايل في مديحه وللحان
تلبس من الماص الثمين القلاده

لنه من شيوخ لها بالوطن شان
تاريخهم بحر(ن)طويل امتداده

ورجالهم في كل الاحوال بطران
والطيب بالافعال بالطيب زاده

مزبان من جاهم من الوقت منهان
اللي من اهل الظلم يشك القراده

ماصابهم كبر وتغطرس وطغيان
عز الرفيق وعز منهو سناده

اهل الكرم واهل الشكاله والايمان
واهل الوفاء واهل الصبر والجلاده

عز الخوي والجار في كل ماكان
وسؤ الخصيم اللي تزايد عناده

بالمال تجار(ن)وبالحكم شيخان
وفعولهم ماهي سوالف وكاده

ارجال عدل وبالمهمات شجعان
وفي دولة التوحيد بالحكم قاده

ومن هان من عاهد وبالفعل ماخان
ولاكاده اللي راعي الظلم كاده

وفعله امام الخلق بالعدل برهان
مايلوثه هرج النمايم سواده

ماهي بشيخت من تشيخ ولاصان
بالشيخه اللي ماوراها ستفاده

منها طغى وبسلطته صار شيطان
ونسا شكر ربه ويظلم عباده

ويثور الفتنه من فلان بفلان
اهل النفوس الهابطه والبلاده

شيوخ فقر وصابهم كبر وجنان
وعادتهم شب الفتن والاباده

افعالهم بالناس كذب(ن)وبهتان
والظلم يشعونه باليا هواده

ماخفوا المعبود في ظلم الانسان
وبالظلم والتزوير والكذب ساده

وراع الردا لوكان حاكم وسلطان
الحكم من طبع الردا ماستعاده

وليا اغتنا ماله صديق(ن)وعربان
وعلى قعود ابليس ثبت شداده

وعن الردا مايرفع المال رديان
لن الردا فيهم عقيده وعاده

ويفنا الرجل وتخلد الذكر الازمان
ليا دفن بالمقبرة بالنفراده

ومن ماملك ماخذ سوى بيض الكفان
لحاف جسمه والنصايب وساده

والطيب حسنه والردا ماله الثمان
والظلم نار(ن)عاقبتها الرماده

وتم وصل الله على نسل عدنان
بابن الرجال محاربين النقاده

© 2024 - موقع الشعر