أحنا هوانا

لـ ظافر الجيادي، ، في الغزل والوصف، 876، آخر تحديث

أحنا هوانا - ظافر الجيادي

أحنا هوانا وش نبي به هوانا
اللي سلى واللي غريقٍ من الصب

نمشي ولاندري ونجبر خطانا
ونقول حبينا ولانعرف نحب

طول على باب الليالي رجانا
ولا الرجاء في بعض لاحوال يقرب

نبغى دوانا ومالقينا دوانا
وجروحنا تأتي على أجروحنا سرب

والليل لاسود في ظلامه رمانا
والوقت يمضي والهوى والامل صعب

ونقول يالله ياعسى وياعسانا
واحنا خذينا مركب البعد مركب

اللي نودة راح عنا ونسانا
واللي يدارينا مع عاذلي سب

الجرح عن بعض الاماني عمانا
الحظ شرق ودربنا راح للغرب

واحنا تشقينا وبين شقانا
لطفك بنا يارب يارب يارب

أحنا ترى فاق الصبر منتهانا
والضيم وسط الروح ساكن ومندب

وأحنا ترى شعري ملخص بكانا
دمعٍ على خدي من العين منكب

وأحنا ترى عنك التغلي نهانا
وجمرك على مابي من الجمر مشتب

الله يهني قلبك اللي عصانا
واللي تهمني وقال كل الحكي كذب

مجنون وبلا عقل حكيك ورانا
وقلتي كلامٍ منه فكري تغرب

تبين لي أربع وغيري ثمانا
وغيري نجا بيدك وانا أموت بالغب

أطوي همومك والأسى قد طوانا
قبلك جروحي بأقي ٍ منها أطرب

وأرضي قلوبٍ ماتمنى رضانا
فدروبها ياليت ذا الدرب جنب

نعطش وحنا غارقينن بمانا
لا مالقينا ياهوى منك مهرب

عزالله اللي بالواحض سبانا
عينه بها للشمس باليل مغرب

وشفاه حمر وريقها والثمانا
وخدود منها حالي الشهد منصب

من صفوته دمة في العرق بانا
ميش البنات أذا على ثوبها انكب

ومن رقته مافي خطاه اتزانا
يلعب نسيم الصبح بخطاه لاهب

اذا أبتسم قال الزهر يارجانا
مثل المطر لاطاح في الارض واعشب

ولاجاء وبين الناس حسنه دعانا
عز الشرف لاهله ومرباه ينسب

الحب ياأهل الود مايوم لانا
ياويل منهو في طريق الهوى طب

غير ارجي الله والامل في رجانا
كريم يا واحد وياغافر الذنب

تجعل لنا هدي الصحابة هٌدانا
وجنتك ياغفار وهي خير مطلب

© 2024 - موقع الشعر