منك انصدمت - سلطانة عبدالعزيز السديري

منك انصدمت اكثر من اللازم وجاملت كثير
الاوله ....والثانيه.. ..والثالثه.........للعاشره
 
ازعل معك واوقف معك ولا نشدتك وش يصير
وانت تحداني وسيفك....للمشاعر شاهره
 
لا شك فيك الميزه اللي.... مالها غيرك خشير
احس فيها وانت ماتعرف شعور الشاعره
 
وان قلتلي وش ميزتي ....قلت انت في دنياي غير
لو جيت اوضح وش ابي ....عرفت اني خاسره
 
صحيح في قلبي كثير.. واحس في قلبي سعير
ورغم العذاب اللي معك.. لازلت اشوف وصابره
 
وان قلت يالخنسا.. تهكم ..قلت ياليتك جرير
على العموم انا اعرفك وانتا قصيدي خابره
 
يامن غلاك وقيمتك تعني لي الشي الكثير
طوفت منك الصد مه الاولى....... لحد العاشره
© 2022 - موقع الشعر