انا بنشدك عن بنت تخيب صالح ظنونك

لـ ، ، في الانشاد والشيلات، آخر تحديث :

يقول المخلدي عيسى طلبتك يالولي عونك
على دنيا مفاتهنا تجيب انواع الامراضي

الاي هاجسي ياللي بحبر القلب يقرونك
تخايل كل ما خيل سحاب بارقه ناضي

وهذا الليل تكتب فوقها للي يهمونك
تقول الشعر فايدته غرض من ضمن الاغراضي

وكتبت الخمس عقب الخمس للعالم يعدونك
تعم ان عمها عم لها لجل الترياضي

ابيها لشاعر يفتل شناباته على فنونك
يحل العقده اللي تفرح الزعلان والراضي

الا يالشاعر القدوه هذا لغز طرح دونك
وانا ما ظنتي تغزي وتنكف محزمك فاضي

انا بنشدك عن بنت تخيب صالح ظنونك
وترجع وانت منها رغم ماسوت معك راضي

تشيل ببطنها روسن لها هم على متونك
تسيّر بينها مره تسر ومر تغتاضي

تعاشرها وهي في نفس ليل العشره تخونك
ولا مليت والا من سوايا فيك تعتاضي

تحلواها لكثر اللي على الدنيا يحدونك
وتحللها لكثر اللي حظر في مجلس القاضي


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر