لا تساليني..!!

لاتسأليني ليه أفكر بالليال المقبلات
ولاتسأليني ليه لاغبتي دقايق أنفعل

ولاتسأليني ليه أغارأمن الليال الماضيات
ويضيق فيني الكون ويزيد الألم بي وأشتعل

تدرين أحبك موت ياعمري مثل حب الحياة
وأني على فرقاك يانبض المشاعر ماأحتمل

تدرين قلبي تحت حكمك ماخذه فيه الوصات
وغيرك نسينا سيرته حبه بقلبي منقتل

لا(نوف) لا(هيفاء) ولا(شيخة) ولا كل البنات
أنتى فقط لاغير فى قلبي مكانك مستغل

تدرين قلبي قبل أعرفك عايش بدنيا الشتات
ومن بعد ماشفتك فوادي فى جمالك منشغل

ذبحني أسلوبك ومزحاتك..بدون مجاملات
وأوصافك اللى كل بيتٍ لاذكرها يستهل

حسن ودلال وكل شيٍ فيك نبع المعجزات
السحر فى عينك بدا والخد زاهي مكتمل

أشوف فى (خدّك) قمر يضفى على زهر النبات
و(بعيونك) الحلوه أشوف الليل دايم يكتحل

وفى (مبسمِك) بيض الثنايا للشفايف خاضعات
شهد العسل لا لامس إشفاتك يغار وينخجل

سبحان من أبدع جمالك بين كل الكائنات
وخلاّك أيه للبشر كلٍ لوصلك يبتهل

لو خيروني ياحياتي في فراقك والممات
أخترت أموت ولاقوى ينطق الساني ننفصل

وش هي حياتي دون وصلك ياهنوف المترفات
أنا أشهد أنى تايه الافكار دونك منهبل

هذا جوابى كان ودّك تسئلي ويش السوات
قلبى فتحته لك ولغيرك صراحة مقفل..!!