جارة الوادي

مرت علينا ياولد مايسة قد
ملهوفة السرجوف عيطا وجمله

فيها الجمال اللي تعدى عن الحد
لي مدة ماشفت مثله وشكله

خلتني اقصدغصب ملعونة الجد
وانا احسب اني ناسي الشعر واهله

مرت وانالانيب شفق ولاوجد
والنفس لاعطشه ولاهيب سهله

لاشك شفت الموت يدرج على الخد
والزين يذبح لي خذا الناس ختله

ياجارة الوادي طربنا...ولابد
بالطرب اللي زار وديان زحله

قبلي امير الشعر ياناعم الخد
غنى طرب واليوم غنيت مثله

يارند ياتفاح ياورد ياغند
ياللي نهبت العقل في حين غفله

لولا الجمال اللي خبرناه في نجد
لاعطيك تاج الزين واليد عجله