أسيرة الشيطان

انا اليامن صار بالهرج تجريح
ماخاطب اللي كلمتي مافهمها
 
ارفع مقامي عن مقام السلاتيح
اللي بعرض الخلق يطعن سهمها
 
ناسٍ على النمه قلوبه مشافيح
مريضةٍ ..وامراضها...من سقمها
 
ماحسبت عقب الخساير مرابيح
تبيع .. تشري....بالرديه....قيمها
 
ماعندها ذمه ... ولادين تسبيح
أسيرة ..الشيطان ..حافي قدمها
 
ناسٍ ...مغاليلٍ .. وناسٍ مجاريح
وناسٍ ..أدور ...مرجلتها ..ابفمها
 
لوكنت انا عنها ... بعيد المشاويح
ابعد من النجوم السما عن بلمها
 
تدفعني النخوه .. وطيب المفاليح
عن مجتمع... ناسٍ .عديمه ذممها
 
ناسٍ اتثرثر ..بالحكي والتلاميح
قالو .. وقيل...وقلت ..محدٍ فهمها
 
سوالفٍ ..يهذي ...بها كل نبيح
ماتنفهم ....مضمونها...ماخدمها
 
وين انت يارمز العداله وتصحيح
ياللي ...افكارك وافيه ..مع قلمها
 
شف الخطا بوجيه ناسٍ مكاليح
اللي ...اتدور ..زلتي ما احشمها
 
ان كان انا معهم مقامي تناشيح
مقامهم ...عندي ..يساوي ..عدمها
 
اللي مجالسهم مع عفين وشحيح
سود الوجيه ..اللي ..خبيثٍ نسمها
 
انا مجاليسي مع إكرام ومريح
ومواقفي ..بالطيب ...يطرخ علمها
 
الحمد لله ... ماترجيت ... سلتيح
من الله خلقني في ..معالي قممها
 
انزل منازيل الرجال الطحاطيح
واطلع ..مطاليع ..الحرار ..بشيمها
 
واقف مواقيف الذياب المشاقيح
واهد ...هدات ....الاسود... بهرمها
 
اقولها وعندي على القول توضيح
قريحتي .... مافيه... شاعر هزمها