شـعر الحـداثـه - خالد المركوز

اجدب المسلم وصلّى الاستغاثه
واجدبت كبدي لوبل دموع عيني

وانت ياطب المهايم ياغلاثه
من غرورك ماتخاف الله فيني

مدّني بالنور ياسرّ انبعاثه
تاهت الاقدام في ظلما سنيني

ياحضارة كل جيل وياتراثه
ياسنيني ياسنين الاوليني

بانيٍ لك قصر في قلبي واثاثه
سندس الجنه وعاج الرافديني

لو سكن به واحدٍ غيرك وكاثه
مالحقني من خطاك الا ونيني

الخطا خطاك وحدك واكتراثه
من يديك اللي تهرّب من يديني

والله ان الحب ماياتي وراثه
مير كني وارثه من والديني

حطّها في صلب صدرك عن دماثه
كلمةٍ ماقلتها بينك وبيني

لاتخليها مثل شعر الحداثه
تضرب المسحوب في عرض الهجيني

واحد من اثنين مافيها ثلاثه
يا تبيني صحّ ولا ماتبيني

© 2024 - موقع الشعر