من طيبتي صرت منهار !!

لـ مرضي البلوي، ، في غير مُحدد، 636، آخر تحديث

من طيبتي صرت منهار !! - مرضي البلوي

للغايبين اعذارهم والحقيقه
أظنها للرفع الملامه .. هالاعذار

مليت أدور للمواصل .. طريقه
تجمع شتات قلوب .. وتقرب ديار

يأست منهم جعلهم في حريقه
في بعدهم جنه .. وفي قربهم نار

خلاص يكفيني من اليوم ضيقه
هذا أنا من طيبتي صرت منهار

عزاي ، باللي مايخلي
الصاحب الوافي ولو صار ماصار

يكفي وجوده عن جميع الخليقه
وان غاب عني له معزه ومقدار

وياااه كني في حياته .. شقيقه
واحد ويسوى من حواليني اكثار

ايه أنت يا نسل الرجال العريقه
يابو فريج المشعلي نسل الاحرار

مابيني وبينك : علاقه وثيقه
ومابيني وبينك : حكايات واسرار

لكن متى تصبح جروحك عميقه ؟
يا صاحبي وتصير ضايق ومحتار ؟!

لا سددت ( بعض اليدين الصديقه )
طعناتها اللي دون لك سابق إنذار

وتدري متى اللي ترغبه ما طيقه ؟!
لاطاح لك عن وجهه الكاذب استار

بتحس فيك ان الغلا .. جف ريقه
وتحس فيك ان الزمن وقتها دااااار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر