سلامتك ياخليفه

بإسم الله الباري أدى القاف ولحونه
الحمد له ما سرى البراق في الأقناف

سلامتك ياخليقه غيث ومزونه
أروت صحاري القلوب اللي عليك إجفاف

من يوم ذاعوا الخبر والشعب يوحونه
عم الفرح دارنا والسعد في الأرياف

يا شيخنا الغالي اللي الكل يفدونه
سلامتك ساقها لك ربنّا اللطاف

ياعز شعبه وعز شعوب ينخونه
تشهد لك أفعالك اللي نورها ينشاف

يامن لك العاليه تنساق مرسونه
ياشيخنا اللي نماري به بدون خلاف

ياوالد الشعب ياقايده في كونه
أنت الرجاء والنجاء بعد الله الرواف

مشتاقه الدار لك والناس مشحونه
ترقب وصولك لها من شوقها اللهاف

عساك في حفظ مرسي الحيد وركونه
وتعود سالم وغانم ماعليك خلاف

تمت وخالص تحايا الحب مقرونه
من الشعب للشيخ فايح عطرها النفاف