ورود المحبه

اقطف بذور الشر من داخل الجوف
وازرع من ورود المحبة بساتين

عمر التردد ما كسر حاجز الخوف
خلك جسور وميز الزين والشين

لا يخجلك صمتك ترى للجفا ظروف
بادر بوصلك خل طيبك عناوين

يا كثر ما تلقى مع الوقت وتشوف
اخطاء ناسٍ تنوصف بالشياطين

لكن رجيتك بالعطاء مد لكفوف
باللين تتغير جميع الموازين

والي امرنا نصلي الفرض ونطوف
والي خلق ادم وكونه من طين

لا بد ما تشرق عقب عتمة كسوف
للحق وعدٍ ينقرا بالبراهين