عزيز النفس ..

عزيز النفس له حِشمه مع القاصي على الداني
واذا بيطلب طلب شخصٍ ضمن كل العطا مِنّه..

وأنا مَ اطلب سوا مره و لو طالب من اخواني
وأشوف الشي بالإلحاح / أكيد إب تتبعه مَنّه..

وانا لو جيت ابي أطلب أبطلب شخص أغلاني
لأن مهما يكون الرد أبد ما يسبب الونّه..

وهو يدري (بمطلوبي)غصب يطلع من لْساني
و لكنه سكن بالي و زاود بالفكر زنّه..

وانا لو خاطري ذايب يبي حاجه و عَنّاني
اذا ما جت بطيبة نفس ترا الله الغني عنّه..

بعض لَ شيا بحزتها حلاوتها طعم ثاني
واذا هو ظن بعد مده تفرحني خطآ ظنّه..

يعوف الخاطر أشياءه وينسبها لغرض فاني
و لو انه ميتن فيها و لو أشواقه يحدنّه ..

وذي نفسي غصب عني بفطرة رب أحياني
وكثر ماهي تعنيهم كثر مَ تْزيدني كَنّه..

وانا ما تنلوي ذراعي لو انه هالقمر جاني
لأن ما يجذب انظاري جمال بروح بتمنّه..

انا يدخل بقلبي من عرف وشلون يقراني
ومن حلو التعامل له اساس بسحره وفَنّه..