عزيز النفس

لـ ، ، بواسطة أثير الشمري، في العتب والفراق، آخر تحديث :

ياتاركتني للسهر ماتشافيت
شوفي ضلوعي من جفاكم حطيمه

من عقب ماني من هواكم تقهويت
هزيت فنجالي بقدر وحشيمه

وأنته على قلبي سطيت وتماديت
وطاوعت في حبي عقول(ن) سقيمه

واليوم تبغى تعتذر عقب ما اخطيت
وتبغى تناسى كل حاجه قديمه

المعذره ياصاحبي والله أبطيت
ياما أنتظرتك في الليالي العتيمه

لاتنحني للوقت وتقول ياليت
شف النتايج من جفاكم وخيمه

ارجوك خلني ساكت(ن) لو تحاكيت
ابفتح أوراق الغدر والجريمه

لا تحسبني غافل(ن) يوم صديت
ولاتحسب إنك يوم خنتي عظيمه

أنته سراب الحب لو رحت أو جيت
وفرقاك عندي صارت أكبر غنيمه

أبغى أعيش العمر من دون تشتيت
وأنسى مع الأيام ذيك الظليمه

أنا لغدر الوقت ياما تحديت
لو الجروح اللي بقلبي مقيمه

أبقى عزيز النفس والقدر والصيت
وأظمد جروحي وتصبح سليمه

ترى القمر لاغاب ماينفع الليت
لكن شموع الحب تبقى يتيمه

إلا اتركيني للسهر ماتشافيت
مبسوط ما دامت ضلوعي حطيمه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر