ثنتين لا تنطق بها غير صامل

ثنتين لا تنطق بها غير صامِل :
قولك أحب.. وقول فض المواصيل..

فالأوله / تجرح بها من تِجامِل
والثانيه بعد الغضب تِسهرك ليل..

أحيان تتسرع و بالحُب آمِل
وتلقى جوابٍ يدمي القلب بالحيل..

واحيان لما تْكون للغيض حامِل
ترمي كلام وتخسر اللي له تميل..

إعرف مكانتهم و بالصدق عامِل
لاكن بلاش إتصير خدعه وتمثيل ..

مافيه أحد بالناس بالوصف كامِل
و لابد تحتاج البشر بعض تجميل..

و ما هو بشرط تعز كل من تزامِل
لن الغلا وهبه و موقف و تحصيل..

وان صار بالك من خطا الغير ثامِل
أبعد و تلقى غيرهم لو بعد جيل ..

وأما الغوالي حقهم عفو شامِل
ما دام هالدنيا معاهم تساهيل ..