يقول من سيفه على ظالمه سل

لـ ماجد الحربي، ، في العتب والفراق، آخر تحديث

يقول من سيفه على ظالمه سل - ماجد الحربي

يقول من سيفه على ظالمه سلّ
ولولا الذي هو شاف ماكان سله

انفوس قومً صابها صوبنا غلّ
قامت تطالبنا على غير مله

تنّبشت ب هروج واعلوم واحيّل
ولاني بحارجها على كل حله

درب الشقى من ساربه ضنتي دلّ
والي عكف بالدرب منهو يدله 

مانيب انا هامل ولانيب مهمّل
معروف عند الخلق قدري محله

احدً ينومس روس ربعه ليا طل
كلً على ماقيل ذكره يجله

واحدً ليامن حل في جيته علّ
ماله خويً بالزمن كود ضله

وانا حملت الحمل في ظهر الاشعّل
واخذت من راع المغاتير بله

قضيّت المجروح لابد تنحل
حلقً نشف من بادرتنا نبله

ندمح خطا الي يوم منهاجهم زل
ماعيبت بالخلق يابليس زله

عزي لمن دمعه على وجنته هل
باسباب شيً ماقدرنا نصلّه

اليا نشدوك الناس يامسندي قل
من ينشد المذبوح عن ماحصلّه

ماكن مثلي فارسً ماترى ذلّ
ولا كنه الا قدسنا المستحله

ماجد بن مهل الحربي
© 2023 - موقع الشعر