الوقت يحكم

لـ عبدالرحمن ناهي، ، في غير مُحدد، 695، آخر تحديث

الوقت يحكم - عبدالرحمن ناهي

ا
 
غلطة من الطيب تفوت بصعوبة
وغلطات بعض الناس ما تحسب احساب
الناس تغلط وآخر العمر توبة
الغلط واحد والسبب عدة اسباب
غلطات راع الطيب تلقى عقوبة
والا الردي ماهو كفو كلمة اعتاب
والناس ما بين الجزا والمثوبة
تنزل مع الوادي وترقى لمرقاب
واكثر مزاج الناس نوبة ونوبة
مرة يغيب وياخذ ايام ماغاب
الوقت يحكم والظروف محجوبة
تسري بها الايام والحظ ما جاب
والادمي يتبع طبايع اسلوبه
اما تجي باللوم واما تجي اعجاب
لاتذكر فلان وتزيد بذنوبه
بكرة تلاقي فلان للطيب كساب
والكلمة اللي بالصديق محسوبة
يمكن تلد ابوب واتفتح ابوب
الساني مع الطيب يسيل بعذوبه
واعطيه من عذب المشاريب ما طاب
وابعد عن المبلي ولا مر صوبه
يمشي مع حزبه وانا عندي احزاب
لايخدعك من زان بشته اوثوبه
اللي يجر اثياب ويفتل اشناب
لاصار ما يفتح مخابي جيوبه
اما كرم واما مواجيب وارقاب
يالله عسى الطيب تفرج اكروبه
لاتجعله لنكبات الايام منصاب
حيثه يسد اللازمة لاانتخوبه
يوم الزحام وسلة السيف تنهاب
© 2024 - موقع الشعر