معكاز الاجيال

لليل معكازٍ هَوته المواويل
قم هات شوني حان

هذا القلم معكاز جزل المحاصيل
لك يا كسير القلب يشعب ركابه

شوف الورق يشكي جفاف المواصيل
شوف القلم ينهت بعد دق بابه

مبطي وهو يكنز بصدر المعاويل
أرماح مسنونه لخصمٍ صطابه

لليل وحشه في ضفاف التعاليل
سايرتها حَسره وكلي رتابه

هبت على جرة زماني مخاييل
جيتك بموجوها بمتن السحابه

وتفتحت بيبان صدرٍ مقافيل
وعلامة الأستفهام ...؟ حلم الاجابه !

دنيا الفتى مسرح والاقدار تمثيل
وابطالها راحوا ضحايا اغترابه

الفصل الأول : دكّته ضمّر الخيل
والفصل الاخر : راح نصفه نهابه

تهاونوا حتى ب ( نور القناديل )
لين الجهل كَشر على حدّ نابه

مروا على الطلحه مرور المهابيل
وجونا بشوكٍ بان فينا صوابه

ما عاد ينفع في خطاهم معاديل
ولا عاد خرج أشعيل ياسع زهابه

ولا عاد نفهم _ للصدور المغاليل
وش صدقهم ، من كذبهم ، من هبابه ،

ميزانها يبخس .. ويحتاج تعديل
بعد أستوى وزن ..! النحل بالذبابه ؟!

يا سدرة الوادي .. ترى وقتنا ميل
قامت تفيّيابك جنوب الذيابه

وش عاد خلينا • لسود المقابيل
لن كان (راس العلم) روّح نهابه !

اليوم طالت هجرةٍ هدت الحيل
- درب الجهل .. وش بقابه ؟

و - لو ينمحي بالمناديل
ما جفت أكمامي - بليل الكأبه

وش العذر - لا بللت (شارب الليل)
وباح الكنين - وشال عنها حجابه

حيث أن وقعه - في صدور الحلاحيل
كسرن جفا جبره - وطال أغترابه

تجمْعت وبدون جهد وتذليل
ما بين وجد ، ودين ، شفنا خرابه

يبقى القلم معكاز جيلِ ورى جيل
أما نهض بالجيل _ وإلا غدابه ..

الشاعر / فهد المنصوري