..أيهم الاصعب؟

تدري وش أكثر شي..(يبن)الشقى فيك!!
لقفا حبيبك دون ذنبآ جنيته
 
 
وتدري وش اكثر شي..يجرح ويشقيك!!
اذا خفوقك بيد جاني,,رميته
 
 
وتدري وش اكثر شي..يفرح معاديك!!
اذا الزمن خانك بحلمآ بنيته
 
 
وتدري وش اكثر شي..يكسر هقاويك!!
لاغابت النخوه بشخصآ هقيته
 
 
وتدري وش اصعب شي..منهُ يجافيك!!
ياهو قريبك اورفيقآ شريته
 
 
وتدري وش اكبر جرح قاتل وينهيك!!
(لمات) منهُ من حياتك عطيته
 
 
وتدري صدوق الهم سيّر خطاويك
من دون طوعك سيرك يم بيته
 
 
"استغفر الله" تمسح الدمع بيديك
وتقول ليت الموت يمزح ياليته
 
 
وتدري وش اسهل شي منها ينجّيك!!
اخلص لربك واسأله لادعيته