تعب الحبيب

إن كان تعّبك الحبيب
مرّه يجي ومرّه يغيب

لا تخلّي ظنك به يخيب
خلك معه دايم حليم

أكيد ناوي ع الغلا
قلّه حلا على حلا

كذا الغلا ولّا فلا
وخلك معه دايم كريم

وقلّه غلاك لا يزود
لا ينقلب إلى صدود

الصبر دايم له حدود
يا روحي انته يا وسيم

وإن استمر أصبر عليه
وقله ليه حبيبي ليه

وإن شفته مرّه ما عليه
إثقل وخذها من حكيم

وإن شفته زوّد في غلاه
قول لا إله إلا الإله

واحذر ينسّيك الصلاه
وأستغفر الله العظيم