الله من هاجس(ن)دار الرمـي صوبـي

الله من هاجس(ن)دار الرمي صوبي
حتى الفكر مع ظلام الليل دوابه

وسريت مع هاجسي اجر مسحوبي
وبنيت بيته وقمت امسس اطنابه

وشبيت ناري ودن النجر مندوبي
يوم الرجا يالسنافي صكت ابوابه

ماهمني ويش بعض الناس قالوبي
كم واحدن ركب التهما من اقرابه

لاصرت انا عارف(ن)ممشاي ودروبي
كل(ن)على مايريد ينوخ ركابه

وكل(ن)له بالعمر غالي ومحبوبي
واحدن تعنى العمر واحدن تهنابه

والعبد رزقه ويوم الجل مكتوبي
لو ان عمره باهالدنيا تدرابه

احدن يعيش بشقى ويموت منكوبي
واحدن حضوره مساون ساعة غيابه

والبخل عذروب وايضا القل عذروبي
القل سبت ردى الطيب مع اصحابه

والبخل عوق الغني عن سدت النوبي
ومفتاح باب الردا بالفعل واسبابه

ماقول انا لشعر قايد منسوبي
لكن نحاول شوي شوي نرقابه

لاضاق صدري ماقوم احسب اذنوبي
اسجبه مع نفود الارض وهضابه

اخير من مجلس(ن)به شذب عرقوبي
كل(ن)مع قهوته الغيبه تقهوابه

والله يسامح جميع اللي تحاكوبي
والنقد لحق الرجل في قيمة الثيابه

وانا مثل صاحبي لافتر دلاوبي
اسجه مثله وغني ماتغنابه

والشعر لا قلت ابا خليه وتوبي
باق العمر ثلث والثلثين قفابه

جاني من الهم والضيقات لاهوبي
زهمت شعري عن الضيق اتلاهابه

وعلم اللي يجي بعدي من شعوبي
ياخذ حذر بالحياه ويحسب حسابه

لايطيح ماطحتبه ويصير مغلوبي
ويبقى نصايح لواني مت يقرابه