مركب أحزان - نايف مبروك الجابر

أسهر لحالي معتلي مركب أحزان
كن الطواقم فيه ذكرى أليمه

رحلة عذابي معلنه صوت عصيان
الا تذكرني بقصة قديمه

ذكرى وليفي كلها ألام وأشجان
بين الضلوع العوج تضرب صميمه

فرقاه من بعد الوصل كي نيران
تكوي عروق القلب من دون شيمه

قلبي على ضمته للحين ولهان
والعين شفقة لنديم ونديمه

نفسه خفيفه مثل نسمه وهتان
والوجه صافي مثل قطرات ديمه

لاكن حسايف وقتنا معه مازان
رغم المحبه فرقونا ظليمه

دقات قلبي بعدهم صوت بركان
اكتب صداها فوق صدري عظيمه

حسبي على من فرق أثنين خلان
وأشعل لواهيب القلوب اليتيمه

© 2024 - موقع الشعر