مركب الحيرة

رجعت وصارت عيوني مساحة شوق عمرانه
مساحة تحتضن عينك ونظرة حايرة فيها

على مركب نظر / حيرة عجزت اكون ربّانة
سجني موج من عينك وموجة فرحة أخفيها

تخالط حلم بالواقع فرض بالحب سلطانة
على قلب دفنه الصمت بتربة وكبر فيها

وغاب الصمت وهو خايب بعد ما جرَّح آذانهوي
حديثك نبشك لقبره وروحي نظرة تكفيها

تعال وعانق عيونٍ بكت بالليل سهرانه
تخاف الصمت يغتالك وحلم الامس يجفيها

تعال امسح لي دموع جرت بالحيل هربانة
من الصمت / الكلام / الخوف .. حقيقتها بتنفيها

تعال اكحّل عيوني .. بنظرة حب حيرانة
تعال اشعل شعورك نار .. أريد النار أطفيها

تعال لقلبي المشتاق ترى ذي الروح بردانه
وقرّب نارك اللاهب .. وخل نارك تدفيّها

على المركب تعال اصعد وحقق حلم إنسانة
وسافر داخلي للروح .. لعل الوصل يشفيها