زيد التغلي

ياللي ملكت القلب قدام قدام
زيد التغلي يابعد كل غالي

الحب لو يذبح ذبحني من العام
ساعة عرفتك يالغزال الشمالي

زينك جذبني زوّد القلب بهيام
ياحي زولك يالغلا لاطرالي

أدري تعمّد تضرب القلب بسهام
وادري تعمّد بالدلع والدلالي

يفداك قلبي لو غدا منك منضام
ويفداك عمري ومابقى من ليالي

لو قلت لي قدام با قول قدام
واللي طلبته ياصلك من حلالي

أغليك والله والغلا ماله أحكام
غصبن علينا نتبعه مانبالي

والحب مايرحم شجاعاً وضرغام
عنتر .. زمانه عذبه بالخوالي

قضّى حياته بين روحه ودرهام
لين أشتهر في عشقته للغوالي

عبله غدت به غديت الطير لاحام
وصفّق جناحه وأرتفع للعلالي

خلّا الوطا لأهل الوطا وأبعد أشمام
كنّه يقول اليوم حظي صفالي

وراعيه يزهم يرفع الصوت.. غنّام
وبيديه ملواحه وبرقع يلالي

لد ولمحه بنظرتاً حدّها سام
لين اختفى من فوق روس الجبالي

وأنا كذلك مثل حاله من العام
قلبي غدابه الغزال الشمالي