شفني حبيبي - ثامر راشد المنصوري

شفني حبيبي بتالي الليل سهران
و الناس حولي قد لهم وقت ممسين

و انا يا روحي نومي اليوم ما زان
بأسباب هجرك ساهر يا اريش العين

اسهر بليلي مع بيوتي و الأزوان
و اذكر زماني الاولي وكيفه الحين

و انتي غناتي بالفكر طول الازمان
حتي بصلاتي يالغلا دوم تطرين

وتدري حبيبي وقتنا الاولي شان
ما عاد نهنا بالوصل دوم مقفين

ومركب زماني مبحرٍ دون ربان
وديار خلي تبعد شهور و سنين

وقلي حبيبي كان وصلك بالامكان
و دي اشوفك و اروي بشوفك العين

ودي بشوفك يالغلا وفيك طمعان
يا اغلي الحبايب و يا اعز المحبين

© 2024 - موقع الشعر