يــا خـوي الـدرب يـا ذيب الــمــســاري

يا خوي الدرب يا ذيب المساري
يالكريم اللي حفظ قيمة خويه

ضايق(ن) صدري وطار(ن)لي طواري
وانت عندك علم وش طار(ن) عليه

لاحني واصبر علي شري وخاري
انت راع (ي)الاوله والشاذليه

لا بدالك ضيق صدري وانكساري
اغتنمني قدم ادق الهاشميه

صدبي عن مجلس فيه المزاري
عن عيون اللي يلحقني زريه

قبل يضحك واحد(ن)ماهوب داري
مستريح(ن)ما درا ويش القضيه

مع فيافي نجد ووساع الصحاري
لين افيض عبرة النفس الشقيه

جاري(ن)لي من عنا وقتي جواري
اجتمع همي وفرقا والديه

يوم جيت البيت تذراه الذواري
والمنازل عقبهم قفرن خليه

والاثر ماعاد باقي له مواري
غير ذكرى(ن)تلحق الكيه بكيه

غصب عني هلت العين العباري
وقمت اجر الصوت مع صفقة يديه