حول سحابي

حوّل سحابي واحسب أنّي وصلْتَه
وهبْت هبايبها وشالت سحابي

حلمٍ علَى غفوة زماني حلمْتَه
ليت الزّمان الّلي غفا ما صحى بي

في غمضةٍ من ليل.... عمري سرقْتَه
لاشك حظّي من عذابي وشَى بي

الّليل يوم أنّه صَحى بي... جرحْتَه
والعمْر في مجروح ليلي سرَى بي

من وقتيَ المجروح لجروح وقْتَه
يمشي وحظّي بالعَثاير مشَى بي

لوْ أنّ قيدي في يديني كسرتَه
ميرْ البلى قيد الغرام ألتوَى بي

الله من صوتٍ علَى الشّوق جبتَه
والله من كلمة غلى في كتابي

أطوّح المسحوب معْ كل نْهتَه
واسمع علَى همس الّليالي جوابي

يا معشر العشّاق قلبي عصرْتَه
قطرات خفّاقٍ من الوجد ذابِ

علَى عشيرٍ بالوفا قد وعدْتَه
لو شبت ( أحبّه )... مثل فتنةْ شبابي