لوحـــــــة الفــــنان..! - تركي الشدادي

يقولون لي هات آخر اصدار للوجدان
نبي كل من يسمع لحنها يسرنّه

نبيها على طرق ٍ تحرك به الاشجان
من الهاجس اللي لاعزفها يطيعنه

ترى هاجسي ماهو ب .. الاول مثل ماكان
ماتدرون وش حدب الحنايا يخفنه

عسفنا بنات الفكر في روضة الفتّان
وعلى الجمر قلب مغربل الروح جرنّه

أصور معاناتي مثل لوحة الفنان
يترجم خياله فوق بيض الورق فنّه

لكن الجديد بوقتنا باروا الخلان
وش اللي بقالي سود الأيام ما أخذنّه

وش أقول وش أخلي الحال في نقصان
بس الأمر لك ياوالي الفضل والمنّه

يبطي الجرح ينزف ما برى يصعب النسيان
بغالي الدموع عيوني القشر يسقنّه

ما قد جاء على بالي ولا كان في الحسبان
قسى سود الأيام العنيدة وأهلهنّه

آخر شي كنت أتوقعه منهم الهجران
تجاوب ضلوعي لا طرا لي لهن حنّه

عطانا الزمن لكن أخذها دبل يافلان
تحصد الثمار اليانعة حامي الكنّه

زرعت أجمل الأصناف فالورد والريحان
ودار الفلك قدام يجنى ثمرهنّه

تركي الشدادي
© 2024 - موقع الشعر